अनुजा – राकेशची व्हॉट्स ऍप वाली लव स्टोरी….


मध्य प्रदेशातील माण्डवगड म्हणजे माण्डूगड हा राणी रूपमती आणि राजे बाजबहाद्दूर यांच्या काळजाला चटका लावून जाणाऱ्या आणि अकबर बादशाहला प्रायश्चित करायला भाग पाडणाऱ्या अजरामर प्रेमकहाणीचा साक्षीदार आहे. ह्याच ऐतिहासिक प्रेमकहाणीला साक्ष असलेल्या आणि विंध्य पर्वतरांगेतील निसर्गरम्य पण, काहिसे गूढ भासणाऱ्या मांडू गडावरील जहाज महालात चित्रीत झालेले,  एच. एम. जी. एंटरटेनमेंटस प्रस्तुत ‘शोना रे’ हे प्रेमगीत प्रदर्शित झाले आहे.  पिकल एंटरटेनमेन्ट ह्या चित्रपटाचे वितरक असून ,पिकल एंटरटेनमेन्ट हे आतापर्यंत १५० पेक्षाही जास्त चित्रपटांचे वितरक आहेत . असंख्य मनसुबे आखले जात असताना, हे नितांत सुंदर दिसणारे, अवीट गोडीचे आणि त्यात जावेद अली सारख्या मेलडी किंगने गायलेले गाणे, मराठी संगीत प्रेमींसाठी ‘व्हॅलेन्टाईन स्पेशल’ गिफ्ट ठरणार आहे. अजिता काळे यांचे बोल, नितीन शंकर यांचे संगीत आणि प्रख्यात गायक जावेद अली यांनी गायलेले हे सुमधूर गाणे हॅण्डसम हंक राकेश बापट तसेच सारेह फर ह्या इराणी अभिनेत्रीवर चित्रीत करण्यात आले आहे. विठ्ठल पाटील यांचे नृत्यदिग्दर्शन आणि सिनेमॅटोग्राफर सुरेश सुवर्णा यांच्या सौंदर्यदृष्टीमुळे हे गाणे पाहणे, स्वत:लाच ट्रीट देण्यासारखे आहे.

इंदौर पासून जवळपास १०० कि.मि. अंतरावर विंध्य पर्वतराजीच्या कुशीत ३५ कि.मि. परिसरात माण्डूगड वसलेला आहे. सौंदर्यवती राणी रुपमतीच्या संगीतकलेवर राजा बाजबहाद्दूर भाळला. दोघे कलाप्रेमी असल्याने एकमेकावर जीवापाड प्रेम करू लागले. पण दिल्लीचा बादशाह अकबर राजाने राणी रूपमतीचे प्रेम प्राप्त करण्यासाठी माण्डवगडावर चाल केली. राजा बाजबहाद्दूरला बंदी केले. पण, राणी रुपमतीने अकबराला शरण येण्यापेक्षा प्रेमविरहात विषप्राषन करून मृत्युला कवटाळले. अकबर बादशाहला राणीचा मृत्यू जिव्हारी लागला. आपल्या कृत्याचा पश्चाताप झाल्याने, त्याने राजा बाजबहाद्दूरला रीहा केले, पण, राजा बाजबहाद्दूरने राणी रुपमतीचा मृत्यू सहन न झाल्याने तिच्या कबरीवर डोके आपटून जीव दिला. अशा ह्या हृदयस्पर्शी प्रेमकहाणीचा साक्षीदार असलेल्या मांडूगडावर आपल्या ‘व्हॉट्सॲप लव’ ह्या चित्रपटातील प्रेमगीत चित्रीत व्हावे, अशी कॉन्सर्ट शोमॅन, निर्माते-दिग्दर्शक हेमंतकुमार महालेंची इच्छा होती.

ऐतिहासिक पार्श्वभूमी असलेल्या मनमोहक, रम्य पण काहिसे गूढ असल्याचा भास होणाऱ्या मांडूगडावर आजवर मराठी चित्रपटाचे चित्रीकरण झाले नसल्याने प्रेक्षकांना ‘शोना रे’ गाण्याच्या निमित्ताने एका अदभूत ठिकाणाचे दर्शन घडणार आहे. मुघल साम्राज्यात अधिक सौंदर्यरूप धारण केलेल्या माण्डूगडावरील जहाज महाल तत्कालिन स्थापत्यशास्त्राचा उत्तम नमुना आहे. मानव निर्मित दोन तलाव, विंध्यपर्वतराजीचे मनमोहक निसर्ग सौंदर्य, बारा प्रवेशद्वार असलेला माण्डूगड आणि जहाज महालाचे ऐतिहासिक महत्त्व अधोरेखित करणारे ‘शोना रे’ हे प्रेमगीत पाहताना भान हरपून जाते. त्यामुळे येत्या व्हॅलेन्टाईन दिवशी आपल्या खास व्यक्तिसाठी हे गाणे जरूर समर्पित करा. हे गाणे पाहण्यासाठी हेमंतकुमार म्युझिकल ग्रुप च्या युट्युब चॅनेलला अवश्य भेट द्या. सहनिर्माते सत्यप्रकाश जोशी आणि अनुराग महाले यांनी ‘शोना रे’ गाण्याच्या चित्रीकरणाकरीता मध्यप्रदेश सरकार तसंच इतर स्थानिक प्रशासकीय संस्थांकडून परवानगी मिळविण्यासाठी अथक प्रयत्न केले आहेत. पिकल एंटरटेनमेन्टच्या समीर दिक्षीत आणि ऋषिकेश भिरंगी यांच्या मार्फत 5 एप्रिल रोजी ‘व्हॉट्सॲप लव’ हा चित्रपट महाराष्ट्रात सर्वत्र प्रदर्शित होत आहे.

 

 

 

Comments 0

Leave a Reply

अनुजा – राकेशची व्हॉट्स ऍप वाली लव स्टोरी….

Download Now

Click below to download

Movie lovers, here is a good news for you! Now read bollywood movie reviews and hot bollywood news at CafeMarathi, the new sensation in the online world! You can read the latest marathi movies review also here. Know what is hot at marathi short film festival.

Read latest entertainment news in Marathi or the best marathi blogs. Get informed about what is the latest fashion in bollywood or get in touch with the trending bollywood news and gossip. Know everything about the upcoming marathi movies 2017. Follow us for marathi web series or funny videos in Marathi.

Are you following the latest hindi movie trailers? Don’t worry, So far we have been showing the upcoming marathi movies trailers. However, new movie trailers coming soon at CafeMarathi. Want to know about bollywood latest news in Marathi? Or searching for a steaming hot latest marathi song video? CafeMarathi is the one stop solution for all your entertainment needs.